የአዲስ አበባ ትራንስፖርት ቢሮ በ2018 በጀት ዓመት የአንደኛው ሩብ ዓመት ዕቅድ አፈፃፀምን ከአመራርና ባለሙያዎች ጋር በገመገሙበት ወቅት እንደተገለፀው የከተማዋን የትራንስፖርት ሂደት ተደራሽ፣ አስተማማኝ፣ ምቹ፤ ደህንነቱ የተጠበቀ እና ከባቢያዊ ተስማሚነቱ የተረጋገጠ ለማድረግ በርካታ ተግባራት እተከናወኑ እንደሚገኙ ተገልፅዋል፡፡ የቢሮ ሃላፊ አቶ ያብባል አዲስ እንተናገሩት በሩብ ዓመቱ ከታዩ ስኬታማ ስራዎች መካከል የበጎ አድራጎት እና ኢኒሼቲቭ ስራዎች ፣የአደረጃጀትና አሰራር ተግባራት፣የመመሪያ እና ደንብ ዝግጅቶች፣የፍላጎት እና አቅርቦት የማመጣጠን የተጀመሩ ስራዎች፣የቴክኖሎጂ ተጠቃሚነትን የማረጋገጥ ተግባራት፣የተካሄዱ የአቅም ግንባታ ስልጠናዎች፣አሮጌ ተሸከርካሪዎችን በአዲስ ለመተካት የተጀመሩ እንቅስቃሴዎች ተጠቃሽ ናቸው፡፡ ስራዎችን በማስቀጠል እና ተግባራትን በላቀ ሁኔታ በመፈፀም በሁለተኛው ሩብ ኣመት ዋንኛ የዕቅድ መተግበሪያ ጊዜ ማድረግ እንደሚገባ አሳታውቀዋል፡፡ የቢሮ የፅህፈት ቤት ሃላፊ አቶ ዋሲሁን ታረቀኝ በበኩላቸው የታየውን የተሻለ የዝግጅት ምዕራፍ ከግምት በማስገባት በቀጣይነት ከመረጃ አያያዝ ፣ከሪፎርም ስራዎች፣ከአገልግሎት አሰጣጥ፣ከሰው ሃይል ስምሪት፣ከበጀት አጠቃቀም እና ፋይናንስ፣ከቴክኖሎጂ ተጠቃሚነት አንፃር ትኩረት በማድረግ በተሻለ መልኩ መፈፀም እንደሚገባ አሳስበዋል፡፡